കൊച്ചി: എറണാകുളത്ത് 18 പുതിയ എഐ കാമറകള്ക്കായി പ്രൊപ്പോസല് കൊടുത്തിട്ടുണ്ടെന്ന് എംവിഡി ഉദ്യോഗസ്ഥര്. ജില്ലയില് സ്ഥാപിച്ച ചില കാമറകള് പ്രവര്ത്തനരഹിതമായി. അപകടങ്ങളെ തുടര്ന്ന് വണ്ടിയിടിച്ചാണ് ചില കാമറകള് കേടായത്. റോഡ് നവീകരണത്തെ തുടര്ന്ന് ചില കാമറകള് മാറ്റി സ്ഥാപിക്കേണ്ട സ്ഥിതിയും വന്നിട്ടുണ്ടെന്ന് എംവിഡി ഉദ്യോഗസ്ഥര് ദീപിക ഓണ്ലൈനിനോട് പ്രതികരിച്ചു.
എഐ കാമറകളില് പലതും കേടാണ്. ബാക്കിയുള്ളവ പ്രവര്ത്തിക്കുന്നുണ്ട്. സിറ്റികളില് നിലവില് എഐ കാമറകള് കുറവാണ്. കൊച്ചി സിറ്റിയില് ആകെ രണ്ടു എഐ കാമറകള് മാത്രമേയുള്ളു. 18 കാമറകള്ക്ക് വേണ്ടി പ്രൊപ്പോസല് കൊടുത്തിട്ടുണ്ട് അത് നടപ്പിലാക്കും എന്നാണ് കരുതുന്നതെന്ന് എംവിഡി ഉദ്യോഗസ്ഥര് പറഞ്ഞു.
മൂവാറ്റുപുഴയില് കാമറ സ്ഥാപിച്ചപ്പോള് തന്നെ ഒരു വാഹനം വന്നിടിച്ച് ഒരു കാമറ കേടായിരുന്നു. കൊച്ചിയിലെ പരിപ്പുജംഗ്ഷനിലെ കാമറയും ഇതുപോലെ വണ്ടിയിടിച്ച് കേടായിട്ടുണ്ട്. വരാപ്പുഴ പാലത്തിലുള്ള കാമറയും ഇടിച്ചു നശിപ്പിച്ചുണ്ടായിരുന്നു. വരാപ്പുഴ എന്എച്ച് 66ല് സ്ഥാപിച്ച കാമറകള് റോഡ് വികസനം വന്നപ്പോള് മാറ്റേണ്ടി വന്നു. അത് ഇനി മാറ്റി സ്ഥാപിക്കണം.
അങ്ങനെ കുറച്ച് കാമറകള് പ്രവര്ത്തിക്കില്ല. ആ റോഡിന്റെ പണി കഴിഞ്ഞാല് മാത്രമേ കാമറകള് പുനഃസ്ഥാപിക്കാന് ആവുകയുള്ളു. പല കാരണങ്ങള് കൊണ്ട് റോഡ് നവീകരണം വൈകിയതിനാല് കാമറകള് പുനഃസ്ഥാപിക്കുന്നതും വൈകുകയാണ് എന്നു എംവിഡി ഉദ്യോഗസ്ഥര് വ്യക്തമാക്കി.
Deepika
E-paper LOGIN
LOGIN
